Aizawl April 24, 2024 : MNF President Zoramthanga chuan thuchhuah siamin MNF hruaitute term chu a tawp tak avangin 2024-2026 term atana Sub-Headquarter, District headquarter, Block, Unit leh Group te inthlan hun tur a tichhuak.

MNF President chuan mipuite rawngbawlna atan leh MNF Party tluang leh chak taka a kal zel theh nan, an party Dan bu Bung 21 B (1) in thuneihna a pek angin Mizo National Front Sub Headquarter leh District Headquarters te chu October 2024 ral hma ngeiin inthlang vek turin hriattirna a chhuah.

Block te pawh an Dan bu Bung 21 B (1) in thuneihna a pek angin Zoramthanga chuan August 2024 ral hma ngeiin inthlanna buatsaih turin a ti a, Unit leh Group te pawh June 2024 ral hma ngeiin inthlanna hi buatsaih turin a ti ve bawk.