Aizawl March 13, 2024 : Mizo National Front chuan Chief Minister Lalduhoma chu Mizoram Police hmusit-ah an puh a, MNF chuan police te chu ram tana nun hlan ngam, hotute thupek anga huaisen em em thin te an ni tih chu an ngaihdan a nih thu an sawi.

MNF chuan, "Assembly Budget Session meih mek ni 11 March, 2024 a kan Chief Minister zahawm takin kan Police huaisen tak tak, thih huama Assam Police pawh kap ngam tute hmusit tak 'Kut vung ber bur leh ke vung ber bur' anga a chhuah mai te, rintlak awm lo ang maia kan pasalthate a chhuah mai hi pawi kan ti."

"CM thusawi hi Mizoram Police te hmuhsitna leh a changtu Minister ngei pawh a dahhniamnaah MNF chuan a ngai a. An thatna lam hmuhpui lova, an zinga mi tlemte te dinhmun an zavaia dinhmun ang maia Mizoram rorelna sang bera a sawi chhuak duh hi a pawi kan ti takzet a. Kan police zawng zawng deuh thaw te hi ram tana nun hlan ngam an ni tih leh an hotute thupek anga huaisen em em thin te an ni tih hi MNF ngaihdan a ni," an ti.

MNF chuan, "Hetianga hnam dangte pawhin min zuam theihna tura kan Police te a chhuan chhe zawng a sawi hi a pawi kan ti a. Hetiang thu hi sawi nawn tawh lo turin Chief Minister hi kan ngen a ni," an ti bawk.