Aizawl; MNF thalai president hlui, tunhnai congress party zawm ta PC Laltlansanga chuan nimin khan Aizawl Press Club-a Home Minister/ MPCC Vice President-in thuthar lakhawmtute a kawmnaah telin, MNF party-a chhuahsana Congress party a zawm chhan chu, MNF party-a hotu lawk thenkhatin mipui rin an kai tawh lo tih inpawm lova, party-a inthlun ngheh lehzual an tum avangin MNF furture a bright lo em a. MNF leh ZNP te chu Mizoram chhulchhuak inti si a, vai pawl ve tho BJP thawhpuitu nih an inchuh tho si avangin, Politician ropui zinga chhiar theih, term nga CM ni thei, thuthiam hlen thin hruaitu zui hi ka thlang ta zawk a, Congress party-ah ka luh khalh mai a ni, a ti. Kum 2013 MLA inthlanah khan MNF party in sorkarna chang ta se, hotu lawk thenkhatte chucorruption dotu nilo, tihluar sauhtu turah mipuiin an ngaih avangin MNF an ring zo lo niin PC Tlana chuan a sawi a. Hei vang hian mipui pawhin an hnawl nia a hriat thu te, MNF party mipui leh worker te zingah Zoram thatna duh, corruption bo se titu, ram vei leh mitha tak tak an awm rualin, heng mite hian MNF party hotu thenkhat chu chawl ngam se, party tan a that zawk an ring fur a ni, a ti bawk. EVM chungchanga inpuhna thu-ah thudik chu Court-in a hailang mai tur a nih thu sawiin, kum 2013-a states 9 inthlanah state 2-in BHEL siam EVM an hmang a, Mizoram tiamin state 7-in ECIL siam EVM an hmang tih sawiin, "Mi thenkhatin an puh ang hian Pu Hawla leh ECIL company ten inthuruala EVM hi rigging lo ni tak tak ta se, Mizoram ang thova ECIL siam EVM hmang thova inthlanna state lian zawka Congress chaklohna state ah te hian engatinge an rig ve loh? Engvangin nge state dangah hian Congress an tlak duh kher?" a ti bawk. Mizo pa ngei Central-a Minister nihtir dan kawng awmchhun chu Congress MP neih a ni tiin, "Kan experiance tawh a, Congress MP Mizopa ngei central minister kan nei tawh. Chuvangin khawvar hnua inthlang, MLA Bye -Election, Hrangturzo bial ah Nl. C. Lalawmpuii leh, Mizoram MP atan, Centrala Minister nihna chance nei Pu CL Ruala vote turin mipui te ka ngen a ni,' PC Tlana chuan a ti.