Aizawl July 6, 2024 : May 28, 2024 a Cyclone Remal siper Mizoram in a dawn avanga chhiat thlengah Aizawl chawmtu Tlawng lui Water Supply Scheme Phase I & II chu Mizo National Youth Front, Headquarters chuan tlawhin, Vice President Lalnunmawia Pautu chuan a hova, C. Zothantluanga, EE. Phase I&II Division Chuan MNF thalaite hi a lo dawngsawng a ni.

Aizawl chawmtu Tlawnglui tui lakna Phase I leh Phase II hmuna thusawitu Mizo National Youth Front, Headquarters Vice President Lalnunmawia Pautu chuan, "Department leh thawktute sawisel turin kan rawn kal lo a, Aizawl khawpui chhunga chhungkaw tinin tui in tur thianghlim tam zawk an dawn thuai theihna tura hmalakna leh hmasawn zelna tur thiltha a awm besei a lo kal kan ni," a ti a.

MNYF Vice President chuan, "PHE Department thawktuten chhun zan zawmin tui hnianghnar kan neih thuai theih nana hna an thawk hi MNYF te chuan a ropui kan ti a. Mi harsa zawkte tawrhtheihna tur Chhiah lak leh bill tihsan kawngah sorkae hman hlel hle laiin, Mi hausa leh rethei ten rualkhai taka tui hnianghnar kan Hmuh theih nan Mizoram Sawrkar hian a tih tur a ti tawk lo ah MNYF chuan kan ngai," a ti.

MNYF chuan Tlawnglui tui lakna Water Supply Scheme Phase I & II enkawltute chungah lawmthu an sawi a. Harsatna awm thei lakah hmalakpui zel an inhuam thu an sawi bawk.