May 7, 2024; Mo Sual film leak out chungchang ah Cyber Crime Police ten mi pahnih, Lawngtlai mi ve ve an man tawh a, thu zawhfiah mek an ni.

ZALEN thudawn danin, tunhnai a tlangzarh Mo Sual film hi April ni 24, 2024 khan a leak out tih hriat a ni a, a film siamtuten April ni 26 khan Cyber Crime police station ah thubuai an thehlut.

Thubuai thehluh a nih ang hian Cyber Crime police te chuan screen record a film lo ti leak out tu a puh Lalrinfela, Lawngtlai lam mi chu man in, thu zawhfiah a lo ni tawh a, vawiin (7.5.24) ah film ti leak out tu a puh FC. Lalhualhima, Lawngtlai lam mi tho pawh man niin, thu zawhfiah a ni.

Mo Sual film siamtu, Director Melody G. Fanai chuan thubuai an thehluh a hma an lakna ah Mizoram police, Cyber Crime thawktute chungah a lawm hle tih a sawi a, chak taka hma an lakna chhuanawm a tih thu ZALEN a hrilh.