April 24, 2024; Lunglei Police-te chuan tunlai technology thiamna CEIR portal hmangin Mobile phone bo, misual-in an ruk 11 zet chu chhuichhuakin a neitu diktak mi 9-te hnenah an hlanlet tawh.

Lunglei police thuchhuah-in a tarlan danin SP J. Lalmuankima ruahman angin Addl SP Beimohsa kaihhruai team chuan tun thla April ni 10 atang khan Mobile phone bo, an hnena report lutte chu CEIR portal hmanga chhui tanin, phone bo 21 engemawchen an chhui theih atangin 11 an chhuichhuak thei tawh a.

Mobile Phone bo-ah hian Lunglei khawpui bakah a chhehvel thingtlang khua a mite pawh a tel a, a neitu diktak hnenah nimin khan an hlan hlawm a ni.