DOWNLOAD OUR APP

Read latest news on your phone
app-store
Monkeypox Chungchanga Hriattur Pawimawh
Aug 26, 2022

1.   Monkeypox natna hi Monkeypox virus/Orthopoxvirus ten mihringa an thlen a ni a, ramsa atanga mihringten kan kai natna (zoonotic disease) zing a mi a ni. Tunah hian Central leh West Africa atangin khawvel hmundangah te a darh mek a ni.

2.   Monkeypox natna hi mi in natna hrik (virus) a kai atang ni 6 -13 chhungin a langchhuak tlangpui thin a, a lanchhuah nan hian ni 21 hial pawh a ni thei bawk. Monkeypox hi a natna kai zinga 1-10% ten an thihpui theih avangin ngaihthah chi a ni lo.

3.   Monkeypox natna lanchhuah dan tlangpuite - khawsik, durh lian pui pui hnai pai, thalbe vung, luna, tajsa na, taksa chaklo etc. te an ni. A vei dam tawhteah vun ser rehtheilo a awm thin avangin taksa a ti hmelhem thin.

4.   Monkeypox hi he natna vei mek ramsa emaw mihring emaw leh he natna hrik kaitheihna hmanrua (infected materials) atang tein kaichhawn theih a ni. Mihring leh mihring inkarah chuan heng - vun durh, taksa tuihnang chi hrang hrang, khuh leh hahchhiau atang te leh hmanraw in hmantawm atang tein inkaichhawn thin a ni.

5.   He natna veite hian an taksa a durh hnaipai an neih hma ni 1-2 atanga an pankhir atlak hma chhung zawng chu midang an kaichhawng thei a ngaih a ni.

6.   Monkeypox chungchangah hian National Centre for Disease Control (NCDC) Ministry of Health & Family Welfare GOI leh State tinin a tul anga hma la turin an inkau reng a; Monkeypox natna vei ni a rinhlelh an awm chuan 24x7 NAS Call Centre (Phone No 102)-ah report thuai turin Health & Family Welfare Department chuan mipuite a ngen a ni. Tin, Health Department thawktu hrang hrang, Sub-Centre a thawktute thlengin hriattir vat a Monkeypox rinhlelh kai pawh lo inkhunghran vat bawk tur a ni.

India leh Myanmar Border Fencing
India leh Myanmar ramri hung tum chungchang hi eng nge i ngaihdan?
Hung hi tha ka ti lo
Hung se ka ti
Ngaihdan ka nei lo

Latest News & Chhiar Hlawh