DOWNLOAD OUR APP

Read latest news on your phone
app-store

Movie Review 'Boss Amanda - Damdawi In' 

May 13, 2022

Tun hnaiah Mizo film chhuak thar a awm nual a, hmasawnna chi khatah a ngaih theih awm e. Boss Amanda - Damdawi In hi detective lam tuipuite tan chuan en ngei chi a ni a, Mizo tawng ngeia hetiang film en tur a awm ta pawh hi chanchin lawmawm tak a ni. 

Tun hnaiah Mizo film chhuak thar a awm nual a, hmasawnna chi khatah a ngaih theih awm e. Boss Amanda - Damdawi In hi detective lam tuipuite tan chuan en ngei chi a ni a, Mizo tawng ngeia hetiang film en tur a awm ta pawh hi chanchin lawmawm tak a ni. 


Mizote hian series film en tur kan la ngah lo khawp mai a, 'Boss Amanda - Damdawi In' hi chung tlemte zinga mi chu a ni. A tir atangin a hmuhnawm nghal viau mai a, a changtu nu Zual-i'n a role play a hneh sawh lutuk mawlh khan a tihmuhnawm!


He sereis-ah hian season 1 leh 2 a awm dawn a, season khatah hian episode 3 a awm. Episode tin hi a hmuhnawm a, episode tin kha a lekpek en chakawm takin a tawp zel bawk. 


Damdawi in pakhatah mak tak maiin mi an thi fo mai a, thil thlen chhan dik tak chu tuman an hre lo - chumi chhui tak chu an hna a ni. Theih tawp chhuahin an chhui a, an tum angin an hawhtling nghal mai lo. Rin loh deuh deuh an lo inhnamhnawih bawk nen a case a buai chho ta nuai mai a, silai nen an inum ta zak zak mai le. 


'Boss Amanda Damdawi In' hi Mawitea Hauchhum (RDS SHOTS) kutchhuak a ni a, a story a ngaihnawmin a changtute pawh an thiam hle. Thawhthu ziak thiam hmingthang Toni Ralte thuziak 'Boss Amanda' behchhana siam a ni tih hriat tel a tha awm e -  Runmawi App lamah en theiha chhawpchhuah a ni.

Share now