Aizawl; UDF MP Candidate Robert Romawia Royte chuan, "Tum mumal tak nei, MP danglam nih ka tum a ni," a ti. Nimin Mizo Hnam Run-a thu a sawi naah Robert Romawia Royte chuan, "kan ram mamawh zawhna zawh tur a tam em em laia zawhna zawta kan MP vawi 2 chiah a ding hi a vanduaithlak a, hetiang mi insum lutuk hi chu kan ram aiawh leh atan chuan kan khawpkham lo deuh a ni," a ti a. Hmarchhak bial MP dangte chuan zawhna hi 100 chuangte an zawt niin a sawi. Kohhran a thawhlawm a thawh chungchangah thubuai engmah a neilo tih sawiin a tirah preliminary inquiry tih a ni a, buaipui tlak a nihloh avangin tihtawp a ni tih a sawi a. Nagaland a tirtu chu School Education department an ni tih sawiin Minister Lalsawta hriatpuina a kal niin a insawi bawk.