March 12, 2024; Mizoram-ah Lok Sabha MP inthlan hun puan a ni dawn hnai nia hriat a ni a, party te pawhin an candidate tur an tifel chho mek.

Mizoram in Lok Sabha MP a neih chhun leh neih mek chu MNF atanga thlan tlin C. Lalrosanga a ni, ani hian a ding tawh dawn lo tih a tichiang tawh a, Rajya Sabha MP ni lai, K. Vanlalvena hming a ri ring viau, a ni ngei dawn em tih erawh a la chiang lo.

Sawrkarna chelh mek ZPM chuan an candidate atan Richard Vanlalhmangaiha an ruat fel tawh a, PC party pawhin an candidate tur ruat fel tawhin, an la puang lo thung. Congress party (MPCC) lam pawhin an candidate tur an la tifel lo niin a lang bawk. BJP lam pawh MP inthlan atan ngawrh takin an campaign mek a, an candidate tur erawh an la tifel lo nia hriat a ni.

Hetihlai hian MP inthlan hun tur hi puan a ni dawn hnai nia hriat a ni a, vawiin (12.3.24) ah pawh hian puan a ni maithei niin hriat a ni.