April 3, 2024; Lok Sabha MP thlang turin party ten tan an la mek a, inbeihna hrang hrang karah kohhran ang zawng a beihna tawkte pawh an awm niin a lang.

Vote thlak nan ni tam a awm tawh lo a, party hruaitu lam pawh mawngvawmba ang maiin tlang hrang hrangah an tul hle. Hetihlai hian MNF candidate chuan NDA a an tel tur thu chiang takin a puang tawh a, congress pawh an hawina lam tur a chiang.

ZPM candidate erawhin a hawina lam a la tichianglo a, an party hruaitute erawhin issue base a an kal tur thu an sawi chiang tawh thung. BJP lam pawh an hawi lam tur chiang sa a ni.

Independent a ding tur Hriata Chhangte leh PC candidate Rita Malsawmi te an la awm bawk a, anni pawh hi MP inthlan tingaihawmtu tu tak te pawh an ni.

Inbeihna a sang chho zel a, sum eiru a inpuhna nia ngaih theih tur a insawina te, kohhran lawina chungchang thleng a inbeihna te, candidate tur dang nei ngang lo a insawina te hriattur a tam chho hle.

Hetihlai hian party a inlawmluh boruak erawh a thawm a reh hle rih thung.