ZALEN September 30, 2026: Vawiin khan Mizoram Pradesh Congress Committee (MPCC) chuan Aizawl press club-ah chhanchinbu mite khawmin Bualhranga'n a puhna CM insawifiah turin an phut.

MPCC General Secretary Angu Lalhmachhuana chuan ZPM Val Upa Council member atanga banna thehluttu Bualhranga'n Chief Minister eirukna leh mipat hmeichhiatna lama sawisep kai anga a puhna chu Chief Minister hian Zoram mipui hriatah sawifiah ngei turin kan phut a ni a ti.

ZPM Val Upa Council chu sawrkar khalhngil tur leh zilh an ngaihna laiah pawh zilh tura din a nih angin VUC khaidingtu ber Bualhranga'n hetianga CM a puh chungchangah hian mipuiten thu dik hriat an phu tih a sawi a. Lalduhoma chu puh a nihna hi amah ngeiin sawifiah turin an phut tih a sawi.