MPCC-in Zodintluanga bânna la ngaihtuah lo || Sawrkar kan la tum a, kan thei tih kan hria- Lalsawta
![](/storage/news/post/h8ozIaPYBNrfw2wApc6KE4E7ZikhqG74iUqlhPOr.jpg)
Aizawl: Mizoram Pradesh Congress Committee (MPCC) president Lalsawta'n, Thorang bialtu MLA Zodintluanga'n MPCC treasurer atanga banna a thehluh pawm a nih leh nih loh chungchang an la ngaihtuah lo tih sawiin, tunhnai inthlan hrang hrangah an party che tha lo mah se, sawrkar an la tum thu leh an theih an la rin thu a sawi.
ZALEN zawhna chhangin MPCC President chuan, MPCC treasurer atanga Zodintluanga banna a thehluh chungchang chu a ngaihtuahtu tur ten an la ngaihtuah loh thu leh ngaihtuah a nih hun tur tih fel a la nih loh thu a sawi. Hetihlai hian Zodintluangan banna a thehlut chu an party mi zawng zawngin pawi an ti hle niin a sawi bawk.
MPCC president chuan kumin inthlanpui hmachhawn turin an party in tun atangin hmalakna tur, an manifesto no 3 leh 4 chungchang te, bial viltu tur in ruatfel chungchang leh thil dang ah road map an duang tawh tih sawiin, chungte chu committee in a tul ang zela a la tihpuitlin tur a nih thu a sawi.
"Tunhnai inthlan Lunglei Municipal Corporation, Local council bye - election leh MADC VC inthlanah te kan titha lo tih kan pawm a, chungte ngaihtuah chuan kan tho chhuak zo lo ang a, MLA pawh kan ngah lo ang tih a hlauhawm ta mange kan ti lo thei lo a, mahse sawrkar hi kan la tum a, kan la sawrkar theiin kan hre bawk," Lalsawta chuan a ti.
An policy leh manifesto ah an khawthlir a dik tih an hriat thu MPCC president chuan sawi bawkin, thenkhat hi chuan mipui lawmzawng ang ringawt an chhawp chhuak niin a lang a, a taka tih theih lem loh, tih theih pawh nise tha chuang lo tur te a awm niin a sawi.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024