ZALEN, 8th August: Nilaini ni 7, August 2024 khan Lawngtlai a LIKBK Assembly Office a Lairam Gospel Centenary Hall ah Rev. Lalramliana Pachuau, Gen. Secretary, Mizoram People's Forum Gen. Hqrs. hovin Mizoram People's Forum (MPF), Lai Autonomous District Forum an thukhawm a, thil pawimawh hrang hrang an sawi ho.

He hunah hian MPF-a tel Kohhran hrang hrang leh Tlawmngai Pawl hruaitute an tel ṭha hle a. He inhmuh khawm hi MPF General Hqtrs. aṭangin Rev. Lalramliana Pachuau, General Secretary, Upa Lalramthanga leh Pu Lalremruata te'n an hmanpui a ni.

MPF thukhawm chuan MPF, Lai Autonomous District Forum tih ṭhin chu MPF, Lawngtlai District Forum tiin thlak tha an ti a.

A hnuaia tarlante hi hruaitu thar atan an ruat:

President: Rev. B Zazawna, G/S, LIKBK

Vice President : 1)Upa H. Liantluanga, President, MUP, Lawngtlai Dist.

2) Upa N.Fambawl, President, LUP, Lawngtlai Dist.,

3) Rev. K.Zalawma, PCI, Lawngtlai Bial

Secretary: Rev. Dr. L H. Lalpekhlua, AG/S, LIKBK 

Joint Secretary 1) Rev. Chatuanlalreia, IKK

2) Rev. B.Lalremruata, Weslyan Methodist Church

3) Eric Lalliankima President, LSA, Gen. hqrs., Lawngtlai

Treasurer: Pu V.Lalrinkimi, LWA

Fin. Secretary: Pu Vanlalhlupuii Fanai, MHIP

Ex-Officio: Lawngtlai Town chhunga Bial vawngtu Pastor-te

Adviser leh Committee Member tur hi Office Bearers ten an ruat ang.