Aizawl September 4, 2022 : Nimin zing khan Congress Thalai (MPYCC) chuan Aizawl Bazarpui thiah taka eichawp zuar harsatna tawk mek te tlawh in an harsatna te an sawipui bakah silpauline thahnem tak an pe.

Congress thalai hi an President Dr. Lalmalsawma Nghaka hovin an thawk chhuak a, Chawhmeh Zuar Joint Association New Market, Aizawl hruaitu ten an lo dawng sawng a. MPYCC President Dr. Lalmalsawma Nghaka chan thusawiin, he bazarpui thiah tak hi Congress sawrkar khan a sakna tur sum awm sa vek a an dah thu a sawi a. Bazar a eichawp leh thil dang zuar te harsatna tawh ah hian mitin te kan tel vek tih sawiin, MPYCC chuan thil ropui tak tih sak thei rih lo mahse an lainat takzet a, theih tawp a hma an lakpui tur thu sawiin, pawisa awmsa reng kum 4 lai MNF sawrkar in an up bet chu tha an ti lo hle tih a sawi.

Chawhmeh Zuar Joint Association New Market, Aizawl hruaitu te pawh in Mizoram khawpui ber Aizawl a kan bazar pui ber hi, khualzin te tan phei chuan tlawh tlak pawh a nih loh thu leh a zahthlak thu an sawi a. Tuna inzuar mek te hi member 500 chung an nih thu leh chung te chu section 3-ah an la in then leh thu an sawi a, mi 500 chuang section 3-a in then leh te hin hmun hma in min zawh loh luttuk avangin, kar khat dana in thut chhawk te an ni tih sawiin retheihna avangin an rum mek niin an sawi bawk.