ZALEN March 28, 2025; Mizo Students Union (MSU) in Mizorama cheng hnam peng hrang hrangte inkara inhuatna chi tuh thei dawt leh thubelhchian dawllo thehdarh chungchang-ah FIR an thehlut.

MSU chuan social media hrang hrang youtube channel, whatsapp, facebook page, telegram leh instagram-ah te Mizorama cheng hnam peng hrang hrangte inkarah inhuatna chi tuh thei dawt leh thubelhchian dawllo thehdarh a ni fo thin tih tarlangin, pawi an ti hle tih an tarlang a.

Hetiang tih hmang te hi zawnchhuaha hrem ngei an nih theih nan, vawiin (28.3.25) hian Aizawl police station, cyber crime ah first information report (FIR) an thehlut a ni.