Aizawl July 25, 2024 : Mualkhang Bottling Plant din thar lehna tur atana Sanction order chu July ni 22, 2024 khan Indian Oil Corporation Ltd. (IOCL) Dy. General Manager Z. Lumding chuan Supply Minister B. Lalchhanzova hnenah a hlan a. 2020 January thla atanga tih tawp Bottling Plant hi lian zawka siamthat leh tur a ni chu ZPM chuan lawmawm an ti.

ZPM chuan Mualkhang Gas Bottling Plant a puitlin theih nan hian, Mizoram Chief Minister Lalduhoma chuan IOCL Chairman hnenah Mualkhang Bottling Plant sak that a nih theih nana biak ngaite a biak bakah Revenue Minister B. Lalchhanzova-in ram mamawh atan Land Lease Renew leh ram mamawh belh atan Land Lease extension rang taka a tih avang te, hna tan vat a nih theih nana Compensatory Afforestation tur ram a hmuhsak ran avangin, hnathawhna tur sum pawh hi Sanction ran a ni bawk, an ti.

Chief Minister Lalduhoma leh Supply Minister B. Lalchhanzova ten theihtawpa hma an lakna zarah hetiang rohlu Mizoram in a neithei dawn ta hi ZPM Thalai Hqrs. chuan lawmawm an ti a, Chief Minister leh Supply Minster hi kan chhuang takzek a, Ram leh Hnam tan an kalzelna turah duhsakna sang ber an hlan.