Aizawl July 27, 2023 : Sr. Superintendant of Police Traffic Aizawl chuan thuchhuah siamin motorcycle (Bike) hmangtu/neituten mudguard thlawna lirthei khalh thin te chu midang tana harsatna thlen thei a nih avangin vuah vek turin a ti. He thupek zawmlo chu The Motor Vehicle (Amendment) Act, 2019 Section 179 hnuaia hrem theih a ni.

Motorcycle (Bike) khalhtute zingah an lirthei ke vir atanga tui/chirh per lo dangtu ber; mudguard thlawn te hian an hnunga mite tui, bawlhlawh leh chirh te an ti per thin tih Traffic SP thuchhuak chuan a tarlang a. Section 52 of the Motor Vehicles Act, 1988 chuan hei hi phalna nei lova, lirthei nihphung lo tih danglam hi a khap tlat a ti. The Mizoram Motor Vehicles Rules, 1995 Section 170 in a sawi angin lirthei-ah mudguard vuah tura nih thu thuchhuah-ah hian tarlan a ni.

The Motor Vehicle (Amendment) Act, 2019 Section 179 ang hi chuan he dan zawm lo hi a lo berh Cheng 2000/ chawi tur a ni a, dan bawhchhiat avanga man nawn a nih chuan a let a chawi a ngai tawh dawn bawk a ni.