ZALEN July 3, 2025: Disaster Management & Rehabilitation Department Minister Prof. Lalnilawma leh Mizoram Earthmover Owners' Union (MEOU) hruaitute chu khuarel chhiatna thlen changa DM&R Department leh MEOU ten thawh hona tha zawk an neih theih dan tur sawiin Minister Office Chamber-ah an thutkhawm. 

MEOU hruaitute chuan khuarel chhiatna kaihhnawiha mamawh khawl leh hmanrua chi hrang hrang heng, JCB, Excavator, Drilling machine leh thil dang te, kimchang taka an neih thu leh Operator-te pawh an neih vek thu an sawi a. Chhiatna a lo thlen changa chhawmdawl hna thawk turin anmahni member zinga mite ngei hmang thin tura sawrkar an duh thu an sawi.

Minister chuan thawh hona tha neih chu thil pawimawh tak a nih thu sawiin MEOU member list leh an contact number te chu district tina Deputy Commissioner-te hnenah thawn chhuah ni se; khuarel chhiatna kaihhnawih-ah MEOU member-te chu a theih chin chinah sawrkarin lo hman zel an tum tur thu a sawi a ni.