Museum week-ah tlawh chu sing dawn
Art & Culture Department in January 21-25, 2019 chhunga Museum Week an buatsaih chuan mipui hlut a hlawh hle a, week neih chhung hian tlawhtu mi 9963 an awm a ni.
Mizoram State Museum hi week neih chhung hian zing dar 10 atanga tlai dar 3:30 inkar chu mipui a duh apiang te tan man lova tlawh theih tura hawn a ni a, week neih chhung hian a bik takin Aizawl khawpui chhunga college 5, high school 3 leh middle school 2 zirlai leh zirtirtute chu tlawh tura sawm an ni a, an ni bakah hian mi thahnem takin an tlawh a ni. Art & Culture Department chuan International Museum Day (May ni 18) pualin Museum hi en man awm lova hawn leh an tum a ni.
Museum Week hi kum 2004 atang khan kumtin February thla chawlhkar tawp berah hman chhoh thin a ni a. Museum chi hrang hrang awm zingah Mizoram State Museum hi Multipurpose Museum a nih avangin a hlutna hi a sang bik a, tlawh a man hla hle. Mizoram State Museum hian 2016-2017 sawrkar kum chhung khan tlawhtu mi 10,147 an nei a, museum en man atangin sawrkarah Rs. 64,000 /- an chhunglut a ni. Mizoram State Museum hi 2017-2018 sawrkar kum chhung khan tlawhtu mi 9130 an nei a, museum en man atangin sawrkarah Rs. 50020.00/- an chhunglut a, museum tlawt tu zinga mi 10 te hi Foreigner an ni a, mi 24 hi VIP leh VVIP an ni bawk.
Mizoram State Museum-ah hian Gallery 6 a awm a, Museum ah hian objects 3757 lai a la khawm tawh a, heng zinga 933 te hi show case chi hrang hrang 107-ah pho chhuah a ni a. A bak zawng hi reserve collection-ah dah a ni. Tribal Museum, Ranchi-ah te, Bhopal Museum-ah te, Silpigram Museum, Guwahati-ah te Museum Objects hi eng emaw zat thawn (donate) an ni tawh bawk.
Ni bika a thlawna Museum entheih ni tih lohah chuan Museum tlawhtu an tam lem lo va. Ni bik, a thlawna Museum en theih hunah entu an tam em em thin a. Chung nite chu ‘Museum Week’ leh ‘International Museum Day’ te an ni. Entry fee hi puitling pakhat tan Rs.20/- leh naupang pakhat tan Rs.10/- a ni a. School naupang zirtirtute hruaia educational trip-a lo kalte chu 50 % concession pek an ni a. Tin, kum upa, kum 65 chin chung lam te chu en man chawitir an ni lo bawk.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024