Aizawl March 1, 2024 : Chapchar Kut hmanga lo kal Taiwan Ambassador to India, Baushuan Ger chuan vawiin khan MYC office a tlawh. MYC chairman Malsawmzuala Ralte leh H. Lalnunzuala, Under Secretary leh thawktu dang ten lo dawngsawngin, Taiwan leh India sawrkarin labour mobility-a inremna thuthlung an ziah hrul a mizo thalai ten Taiwan a hna an thawh theih dan tur an sawiho.

Taiwan sawrkar sensovin Mandarin tawng zir tur mizo thalai graduate chin mi 4 Taiwan-a tirh ni se an ti a, kum 1 course an zir zawhah Mizoram-ah mandarin tawng zirtirtu an ni chhunzawm nghal dawn a ni. Hemi atana class room remchang MYC office building-a mi te pawh en ho nghal a ni bawk. Taiwan ambassador chuan mizo thalai Mandarin tawng zirtir thei an awm hmaa online a zirna ruahman tura hma a lak tur thu a sawi bawk.

Taiwan ambassador hi a nupui bakah, Ping Fan Jian, third secretary leh OSD to CM Jonathan Lalremruata ten an tawiawm a ni.