Mizo Zaimi Inzawmkhawm (MZI) chuan March 26, 2021 (Zirtawpni) zan khan Oldies Nite an hmang a, hranghlui zaithiam hrangten kalkhawmte zaiin an awi. 

Programme hi Dawrpui Multipurpose Centre-ah neih a ni a, music intrument kimchang nen hun hlimawm tak hman a ni. Hranghlui zaithiam zinga hriat hlawh tak tak - R. Vanlalzauva, R. Vanlalruati, Lalhmuaka, Vanlalzapi, C. Lalzuia, Z. Lalthanzuala, H. Laldanglovi leh Hualrozama ten an thiam an la theihnghilh lo tih an pholang. 

Anni bakah hian R. Vanlalnghaki, Ngurliana Sailo, H. Lalrinkimi, K. Lalthangthuama, H. Lalchawimawii, C. Vansanga, Siamthangi Hauhnar leh chuai thei lo RTC Lalduhawmi ten mipuite zaiin an awi a, ngaihhlut an hlawh tak zet a ni. 

MZI Oldies Nite hi MZI bultuma neih niin, sawmbi mi thahnem takte nen hun an hmang a ni.