Aizawl; Nimin khan Mizo Zirlai Pawl (MZP) chuan an pisa ah 68th National Championship for Santosh Trophy a champion Mizoram team te chawimawina an nei a, thuziak an hlan theuh bakah thangchhuah diar an khim tir vek bawk. Mizoram team chawimawina hun hi MZP Vice President Lalsangzuala Ngente in a kaihruai a, thu sawiin MZP President Lalhmachhuana chuan Mizoram team te chu MZP chuan a lawmpui tak zet tih sawiin, "Kan chakna hi FIFA World Cup aiin ropui lo mahse keini chuan kan ngaihluin kan lawmna a nasa zawk a. Mizo hnam hi a tha zawngin thang zel se kan duh a ni," a ti. Mizoram team Maneger Lalbiakzuala'n an inkhelh dan report a pe a, "kan tum ber chu champion mai bakah Kristianna leh Mizo nunmawi lantir a ni a, hetiang kan ti thei hi kan lawm hle a ni," a ti.