Aizawl March 4, 2024 : Mizo Zirlai Pawl (MZP) General Headquarters Extended Office Bearers chuan vawiin khan MZP Pisa Pui-ah meeting neiin, college Assistant professor lak dan felhlel nia an hriat chungchang an rel a. Meeting hi MZP President H Lalthianghlima'n a kaihruai.

Meeting chuan, tunhnaia College Assistant professor lak danah thil felhlel awm nia hriat chungchang a ngaihtuah a, a tul anga chhui zui a hmalak nise an ti. MZP chuan, Mizoram College hrang hrang-a thawk tur Assistant Professor lak dan kalpui thin dan chu duhsak zawngte thun theihna remchang zau tak a inhawn nia an hriat avangin a kalphung (system) pawh siamthat nise an duh a, ngun taka ngaihtuahna seng a, ennawn tur leh a thiam apiang an luh theihna turin thuneitute an ngen nghal a ni.

MZP chuan an zirlaipui Pawl 10 exam hmachhawn lai hmaituam tu tih hriat lohin Chemte-in a pumah a vit tih an hriaa, he thil thleng hi MZP chuan pawi an ti tak zet a. Hetiang thil duhawm lo hi thleng nawn tawh lo se an duh a. Zirlai chhiattawk hi a tawrhpui zia lantir nan an kan bawk. Zirlai chunga Pawi khawihtu hi a rang thei ang bera man chhuak a, a phu tawk hremna pe ngei turin MZP chuan thuneitute an ngen nghal bawk a ni.