ZALEN December 12, 2023 : Mizo Zirlai Pawl (MZP) chuan vawiin khan an President hovin Zokhawthar leh a chhehvela Myanmar Refugee camp te an tlawh a, an harsatna tawhte a hmun ah an enfiah. Ssawrkar thar pawhin a rang lama raltlante tlawh turin an ngen.

MZP President H. Lalthianghlima chuan Refugee te chu thlamuang taka awm turin a chah a, "Zofate hi hmun hrang hrang a awm kan ni a, kan unaute an nat chuan keini pawh kan na. In harsatna chu kan harsatna a ni a, theihtawp in hma kan la zel ang," tiin a thlamuan.

H. Lalthianghlima chuan, "Mizoram in sawrkar thar pawhin kan unaute Mynmar raltlante chhawmdawlna kawngah theihtawp in hma la se, Raltlan ho awmna pawh a ranglama tlawh a an harsatna tawhte sutkian pui turin MZP chuan a duh takzet a ni," a ti bawk.

Zokhawthar chheh velah Refugee camp hrang hrangah hian chhungkaw 700 chuang awm in, mihring 3000 chuang an awm niin a buaipuitu te chuan an sawi.