Aizawl: Principal Secretary, Government of Mizoram Esther Lalruatkimi chuan March 8, 2024 khan Health Care Pending Bills approved list-a beneficiary mi 11,046-te pawisa dawn tur cheque a tichhuak fel a, a amount chu Rs. vaibelchhe 39.26 a ni.

Cheque hi MRB bank-ah pek a ni ang a. Nimin kha bank chawlh a nih avangin naktuk, Thawhtanni atangin beneficiary-te account-ah a luh tan theih beisei a ni a. MRB lam pawh chak taka beneficiary-te account-a lo thun turin ngen an ni.

Heti hian tuna health care bill la pek hmabak chu kumin February leh March bill chauh an ni tawh dawn a. Hei pawh hi sawrkar ruahmanna angin bawhzui (process) zel theih a ni tawh dawn a, health care bill ba nei lovin sawrkar a kal chho ve dawn hnai a ni.

Nikum December 11-a sorkar thuchhuah hmanga mipuite an lo hriattir tawh angin Chief Minister Lalduhoma hova finance department thuneitute thukhawm chuan health care bill ba pek atan Rs. vaibelchhe 40 a dah hrang a, Zirtawpni hian cheque peih fel a ni ta a ni.