DNA hmanga en fiah hnuah European statesman leh general ropui, Napoleon Bonaparte-a lukhum ni ngeia hriat chu thil lilamtu, Bonhams chuan Hong Kong-ah an pho chhuak tan ta.

Bonhams chuan ‘Emperor DNA ngei a ni tih hriat hmasak ber lukhum’ hi Hong Kong-a an pho chhuah hmain an lo puang tawh a. Paris leh London-ah en theihin an dah chhuak leh ang a, October 27 hian lilam a ni ang.

Lukhum hi hi Napoleon-an indonaa a khum ziah thin ang chi  niin tuna a neitu hian Germany-a thil lilam thin lian lem lo tak hnen atanga a len a ni a, engtik laiin nge emperor hian a khum thin hriat a ni chiah tawh lo.

Bonhams Europe-a managing director Simon Cottle chuan, “Chhui chhuah theih chu a ni,” a ti.

Lukhum hi tun lai thiamna chi hrang hrang hmanga endik a ni a, heng zingah hian electronic microscopy pawh a tel a. “Sam panga hmuh a ni a, heng samte pawh hi uluk taka zir a ni,” tiin Cottle chuan a sawi a. “Sam pahnih hi zir bing lehzual niin a neitu pawh hriat thei a ni,” a ti.

$ maktaduai 2.5 vel tala hralh theih an inbeisei tih a sawi.