ZALEN Sept. 19, 2024; Kolasib Sub-Hqrs YMA chuan Tuirial Hydel Project tuikhuah kama thingte nasa taka kih chereu mek a ni an ti a, hetianga ti thinte an awm zui em tih duty neiin uluk takin a vil mek a, chak zawk leh na zawka hmalak chhoh zel pawh tum tih an sawi.

Hemi chungchanga thuchhuah an siamah, dan phal loh a thingzai nasa taka phurh a ni reng a, hei hian Tuirial chawmtu tui hna tikangin, kan Environment pawhin a tuar nasa hle dawn ni a an hriat thu an sawi.

Tuirial Lui dunga thing zai a, phurh chhuah chungchang hi Mizoram sawrkar thuneitute pawh an sawipui a, hmala tura ngenna an thlen tawh thin thu an tarlang bawk. Hetihlai hian dan lova thingzai leh phurh chhuah hi a la pangngai reng tih an hriat thu thuchhuah ah chuan an tarlang.

Kolasib Sub-Hqrs YMA chuan dan lova thingzai phur thinte hnenah titawh lo turin a hriattir a. Kolasib Sub-Hqrs YMA rorel inkhawmin a lo rel angin, hetianga ti thinte an awm zui em tih duty neiin a vil mek a, chak zawk leh na zawka hmalak chhoh zel pawh tum tih sawiin, thing zai a, phur chhuak lui an man an nih a, an ngenna ngai pawimawh lo an awm a nih chuan an chungah hriatthiamna awm lovin thuneitute hnenah dan anga hrem turin hlan an ni zel ang, an ti.