Aizawl July 10, 2024 : Mizoram State Commission for Women chairperson C.Lalchhandami chuan, "Mizoram State Comission for Women Chairperson dinhmun ka chelh ve hnuah thubuai 80% te chu nupa inthen vang a naupang enkawlna tur thubuai a ni a, heng nupa inthenna chhan bulpui ber ni a lang chu ruihtheih thil zu leh social media kan hman khawloh avanga inthenna thleng a ni," a ti.

MSCW chairperson C.Lalchhandami chuan, "MHIP hi Pathian tan a mi thahnem ngaite hmalakna hmun pawl ropui tak a ni a, sakhua leh politics leh pawl tih bik awm lo a, hlim tlang taka thawhho hmun, tanpui ngaite tanpuitu leh Pathian rawngbawlna hmun pawl pawimawh tak a ni," a ti.

Damtei chuan, "Nu leh pa ten nau awm nan naupang phone kan khalhtir nasa lutuk hi pawi ka ti a, nghawng tha lo a neih thui zia leh lehkha zir kawnga harsatna tam tak a siam sak zia te hi kan ngaihtuah chian a tul a. An hriselna leh rilru lam thlengin harsatna lian tak a thlen thei a, nu leh pa ten hei hi kan ngaimawh a hun ta hle a ni," a ti bawk.

MHIP Ramhlun North branch te'n Golden Jubilee an lawmna hun Ramhlun Indoor Stadium a neihah he thu hi a sawi ni.