ZALEN, Aug. 9, 2024; Mipui nawlpuiin an pan nasat, Shillong-a NEIGRIHMS damdawiinah kum upa (senior citizen) te an ngaihsak that avangin, an tan thil tih a awlsam.

ZALEN in NEIGRIHMS a inentir damlo engemawzah a zawhte chuan, a bikin kum lama upa te damdawiin thawktuten an ngaihsak that avangin thil tih a awlsam niin an sawia, taksa lama harsatna nei, wheelchair hman ngaite tan pawh ruahmanna fel tak siam a nih avangin damdawiin chhungah harsatna a awm lo niin an sawi.

NEIGRIHMS-ah hian OPD card lakna te, Pharmacy (damdawi leina canteen) etc. ah te senior citizen te intlarna tur bik siam zel a nia, hei hian kum upa te tan awlsamna nasa tak a thlen a ni.