December 8, 2023, Speaker atana lakluh thar Lalbiakzama'n, speaker chair a luah chhungin fair leh inkhairual tak a dan hnuai a kalpui a tum thu leh neutral taka kaihhruai a tum tih a sawi.

Speaker a tana lakluh a nih zawh thuthar thehdarhtute a kawmna ah he thu hi sawiin, Lalbiakzama chuan, sawrkar kal tawh a roreltu te'n theihtawp chhuah mah se mipuiin an duhkhawp lo a, ZPM ah rinna leh beiseina sang tak neiin thuneihna an pe ta niin a sawi bawk.

Sawrkar in ruahmanna tha tak neiin tumna tak tak nen kalpui mah se a hlawhtlinna chu mipuiah a in nghat tlat tih sawi bawkin, "Thlan tla in thahnemngaihna nen thawk ila, kan ei leh bar zawnna ah te tihtak zet in kan theihna zawng zawng pe ila, malsawm tlak a kan hun te kan hman chuan Lalpa a chuang tawh mai dawn a ni," a ti bawk.