New York Fashion Week 2021 chuan thawm a nei lian chho tan a, tel turte pawh hrilakah an fihlim em tih uluk taka endik an nih tur thu puan a ni - boruak a nei nghal hat. 

New York Fashion Week hi September 8 leh 12 hian neih a ni dawn a, hripui lengkara buatsaih tur a nih avangin a buatsaihtute lam an fimkhur hle. Council of Fashion Designers of America (CFDA) chuan he show-a tel turte chu vaccine dose la kim tawh an ni tur a ni tiin thuchhuah an siam a, vaccine an la ngei a ni tih finfiahna card an neih a ngai dawn bawk. 

Hetih lai hian Met Gala neih turah pawh hetiang bawk hian dan zam a ni a, vaccine lak kim a ngaih bakah a hmunah pawh mask vuah a ngai dawn a ni.  Met Gala hi September 13 hian neih a ni dawn a, inlan tur zingah - Jennifer Lopez, Rihanna, Camila Cabello, Emily Ratajkowski leh Billie Eilish te an tel. Kumin hian - Billie Eilish, Naomi Osaka, Amanda Gorman leh Timothee Chalamet te chuan an host dawn a, Tom Ford leh Anna Wintour te chu honorary chair an ni dawn a, kum 19 mi Billie chuan history siamin co-chair ni thei naupang ber a ni ang.