Venghlui Br. YMA an lungchhuak
Nimin khan Venghlui Branch YMA chuan Tawngtai Bethel Camping Centre-ah luanchhuahna hun hmangin buhfai bag 18, chana, nutrela leh sahbon engemaw zat an pe. Venghlui Branch YMA hian nizan khan Pisa tlang (Treasury Square) ah luanchhuahna hun an hmang leh a, kawng kal apiang te thingpui leh artui an sem.

Vai lui thenfai hnatlang nei
Aizawl: Khatla South Local Council hmalakna in nimin khan Save Vailui hnatlangpui thawh hnihna neih a ni. He hnatlangpui ah hian veng chhung a kawrte awm zinga a pawimawh zual leh Vailui fintu kawrte thenfai a ni a, bawlhhlawh tawihtheilo bag 301 leh satha ip (cement bag ruak) bag 42 chhar a ni.
He hnatlangpui thawh hnihna ah hian Khatla South veng chhung a hnam dang awm zawng zawng pawh hnatlang ah hian an tel vek a ni. Hnatlang a thawk chhuak hi mi 350 vel an ni a. Hnatlang te ei leh in tur hi bialtu MLA in a tum sak a ni.

Thisen pe
Nimin khan Luangmual West Branch KTP ten Synod Hospital tan thisen unit 21 an pe. Champhai Vengsang Pastor Bial KTP ten Champhai District Hospital tan unit 34 an pe a, Serchhip Hmar Veng Branch KTP ten Serchhip damdawiin ah unit 20 an pe bawk.