Aizawl June 28, 2024 : Mizoram-a National Hockey Ground changtlung hmasaber Thenzawl Hockey Ground-a khelh mek Zoliana Royte (Retd. Director SYS) Memorial Hockey Tournament chu naktuk hian final a ni dawn a, hmeichhe final -ah Thenzawl Venghlun leh Thenzawl Field Veng te an inhmachhawn ang, Mipa final-ah Thenzawl Vengthlang leh Thenzawl Field veng te an inhmachhawn dawn.

Tun tournament-ah hian Mipa team hi group hniha then niin Baktawng, Thenzawl Venghlun leh Bazar Veng te an awmho a, Thenzawl Field Veng, Vengthlang leh Thenzawl Branch 1 te an awm a, group-a pahnih te hian cross match-in semi final an khel a ni.

Nimin semi final inkhelah Thenzawl pawn atanga team tel awmchhun Baktawng leh Thenzawl Vengthlang ten semi final hmasa zawkah an khel a, inkhel pangaiah-ah 1-1-a an inhnehtawk hnuah penalty shoot-out hmang chak zawk zawn a ni a, 4-2 in Thenzawl Vengthlang an chak a, Thenzawl Venthlang goalkeeper Lalramdinga chu Player of the Match atan thlan a ni.

Semi final hnuhnung zawkah Thenzawl Filed veng chuan 1-0 in Thenzawl Bazar Veng an hneh a, he inkhelah hian Lalmuansanga, Field Veng chu Player of the Match atan thlan a ni.