Aizawl March 19,2024: Vawiin khan National Highway (NH) 54 kawngpui sial hna thawhin an chenna In a tihchhiat dawn avanga zangnadawmna pek tawh, an chenna in thiahna tur thupek “Eviction Notice” pawh pek tawh, an chenna In la thiat duh lo leh insenghawi duh lo Zobawk South-a Mi 4 te In chu thiahsak an ni.

In thiah sak te chu :

1. C.Lalroliana C/o C.Lungmuani

2. F.Lalrinawma

3. P.Laldenga

4. Lallawma C/o PC.Lianzama

5. Hmingthanmawia

Heng mi te chenna In hi Deputy Commissioner, Lunglei District aiawh K.Lalhlimpuia, Assistant Sattlement Officer leh Executive Magistrate ni bawk hova thiah sak leh an ni.

NH54 kawngpui sial mekin an chenna in a tihchhiat dawn avanga zangnadawmna an lo pek tawh, mahse In la thiat loh leh insaseng duh loh te hi vawi tam, thuneitu ten an In te thiat a, insaseng turin a lo hriattir tawh a. Mahse thupek zawm duh loh an la awm cheu avangin tahrik ni 5/3/2024 atang khan Sawrkar chuan hma a la tan ta a ni.

Tahrik ni 5/3/2024 khan Tawipui ‘S’ khuaa S. Lalnghinga In thiat hmasa berin, tharik ni 7/3/2024 khan Thualthu khuaa Hmangaihthangi, T. Thanliana, Lalruata leh Rinawmi te in pawh lo thiah tawh a ni.

Naktukah khian mi 2 - Lalramnghaka, Zobawk North leh K. Lalengliani, Dawn khuaa mi te In thiah leh a ni ang.