Aizawl: Kumin kum tir a Mizoram chhim lama Assam Rifles leh Assam Regiment te’n sipai nunchan an zir vanga PRISM party-in National Human Right Commission (NHRC) a complaint an thehluh chu ngaihtuah a nih hnuah Ministry of Defence, Govt. of India chu a chhan sawi chiang turin hriattir an ni tawh.

Prism hian February 26, 2019 khan sipai chet vel dan chungchang hi a dik lo tiin NHRC-ah hian lehkha an thehlut a, Vathuampui leh a chheh vel khaw mipui ten harsatna hrang hrang an tawh dan te tarlan a ni a, hei hi May 10, 2019 khan Commission chuan a ngaih tuah a, hemi a mawh latu Ministry of Defence hnen ah May 22, 2019 khan hriattir an ni tawh a, kar 8 chhungin kha operation an neih chhan kha hrilhfiah turin an ti a ni.

Prism President Vanlalruata chuan hlawhtlinna an hmuh chungchangah hian lawmawm a tih thu Zalen hrilhin, “Tunah chuan an chhuak leh vek tawh a, hma han lak zui dan pawh a awm tawh lo. Mahse, NHRC lamin kan zualkona min ngiahtuah sak hi thil lawm awm tak a ni a, hlawhtlinna duhawm tak pawh a ni,” a ti.