United Kingdom (UK) prime minister Liz Truss chu ni 45 chhung lal thuthleng a luah hnuah Ningani khan a bang. Liz Truss hi UK prime minister ni rei lo ber a ni a, mahse PM a nihna anga hamthatna hrang hrangte a dawng zui thei dawn a ni. 

A ban chhan hi an ram economy tlakhniam vang nia sawi a ni a, UK-ah hian nitin mamawh man a sang nasa hle a ni. Hei vang hian bang tura nawrna a nasa hle a, October 20, 2022 khan a bang ta a ni. Liz Truss hi September 6, 2022 khan prime minister atan rinawmna thu tiam tira lakluh a ni a, Boris Johnson a thlak a ni. Mahse rin loh takin ni 45 hnu lekah PM atang hian a bang ve leh ta a ni. 

Liz Truss hian banna thehlut tawh mah se a mah thlaktu tur thlan fel a nih hma chu thuneihna hi a chelh zui dawn a ni. An ram prime minister pathum - David Cameron, Theresa May leh Boris Johnson te kaihhrauina hnuaiah khan minister a lo ni tawh a, foreign secretary hial lo ni tawh a ni. Ni 45 chhung chauh lal thuthleng luah mahse hamthatna hrang hrang a dawng zui nual dawn a, kum khat chhungin India pawisa cheng vaibelchhe khat (Rs. 1 core) hu vel chu a dawng zui thei dawn a ni. 

UK hian Liz Truss thlak tur hian PM atan hmeichhia tho an nei mai thei a, Conservative Party atangin Penny Mordaunt chuan PM a chuh tur thu hi a puang tawh a ni.