Aizawl; NLUP Implementing Board (NIB) chairman JH Rothuama chuan Zirtawpni khan Mamit district khaw hrang hrang tlawhin, NLUP dawngtute hnathawh a hmunah a en pui. Chairman hian Mamit khaw chhung leh pawn a Line department hrang hrangten NLUP an pek te, PPP Mode hmanga NLUP tana Kuhva, Ser-thlum leh Rubber Nursery siamte tlawhin, hmalakna kal mekah hlawhtling tak takte a hmuhin lawmawm a tih thu a sawi a. Sangha dil siamtuten hmun danga an sangha thar an hralhnan Vur siamna (Ice Plant) an mamawh tih hriain ngaihtuah vat tul a tih thu a sawi.