Aizawl; Kumin 2020, January-July, thla 7 chhungin Aizawl ah ruahtui mm 1,395.9 a tla tawh a, hei hi nikum January-July a ruahtui tla mm 928 aiin a tam zawk.

Directorate of Science and Technology hnuaia, State Mateorological Centre in an chhinchhiah danin, nikum 2020 chhung khan Aizawl ah ruahtui mm 1,741.5 a tla a, ruahtui tlak tam ber thla October ah mm 385.0 tlain, October ni 4 ah mm 67.5 ruahtui a tla a, hei hi nikum chhunga ruahtui tlak tam ber ni a ni.

Hetihlai hian kumin January - July thla chhunga Aizawl a ruahtui tla chhinchhiah zat chu mm 1,395.9 tlingin, hei hi nikum January - July chhunga ruahtui tla mm 928 aiin, mm 467 in a tam zawk. 

Kumin thla 7 liam ta chhunga ruahtui tlak tam ber thla chu July niin, hemi thla a ruahtui tla chhinchhiah zat chu mm 615.2 a tling a, July 18 ah ruahtui mm 69.9 a tla a, hei hi kumin a ruahtui tlak tam ber ni a ni.

Kumin thla 7 liam ta chhung khan Aizawl a khawlum ber ni chu May ni 25 kha niin, hemi ni a khawlum zawng chu Celcius degree 34.0 a tling a, hemi ni khaw vawh lam chu Cencius degree 21.5 a ni. Chawhrualin kumin January leh February chu khaw vawh ber thla niin, temperature hniam lam Cencius degree 9.0 ve ve an ni a, a san lam pawh Cencius degree 22.5 ve ve an ni. 

Hetihlai hian temperature san ber thla erawh March niin, chawhrualin hemi thla temperature san lam chu Cencius degree 27.5 tling, a hniam lam erawh Cencius degree 13.0 a ni.

RUAHTUI tlak dan (mm)
Thla    2020    2021
January    48.1    3.0
February    20.2    0.5
March    0.0    61.0
April    108.3    85.5
May    290.0    164.2
June    218.3    466.5
July    243.1    615.2
TOTAL    928    1395.9