December 5, 2023; MLA inthlanpui neih zawh taka Independent candidate zingah Nl. Lalruatfeli Hlawndo chu vote hmu tam ber a ni.

Nl. Lalruatfeli Hlawndo hi bial pahnih (2) ah dingin, chung a dinna bial te chu party hming langsar leh lian tak takte dinna a ni.

A dinna pakhat, a chenna bial ni bawk Aizawl North I ah vote 477 a hmu phak a, he bial ah hian thlan tlin ni ta Vanlalhlana ZPM, R. Lalzirliana MNF, Lalnunmawia Chuaungo te chu candidate dang an ni.

Aizawl East I lamah pawh Lalruatfeli Hlawndo hian vote 441 a hmu pha bawk a, he bialah hian Lalthansanga ZPM, Zoramthanga MNF leh Lalsanglura Ralte INC te chu candidate dang an ni.

Heng bial pahnih (2) a vote a hmuh zat hi 918 zet a tling a, Independent candidate vote hmuh atan chuan a tha thawkhat a ngaih theih a ni a, Independent candidate dangte vote hmuh zat atanga teh phei chuan Nl Lalruatfeli vote hmuh hi a tha hle a ngaih a ni.