Aizawl March 16, 2024 : 3rd North East Olympic Games 2024, Nagaland a ni 18-23 March, 2024 chhunga neih turah a thawh khatna atan Mizoram atanga tel tur infiammi 70 te chuan tuk dar 10 khan Thuampui Bus Terminal atangin Mizoram an chhuahsan a, naktuk Pathian ni chawhma dar 11:00 ah a thawh hnihna turin infiammi 94 ten Mizoram an chhuahsan dawn bawk.

Mizoram Olympic Association kaihhruaina hnuaiah Sports Association hrang hrang 15 atangin infiammi 181 te chuan 3rd North East Olympic Games, 2024, Nagaland ah intih siakna an beidawn a. Nagaland Game Village ah an thleng vek dawn a. Athletics lam chu Kohima ah an thleng thung dawn a ni.

Mizoram aiawha infiammite kal turte hi Archery - 6, Boxing - 21, Taekwondo - 16, Wrestling - 21, Wushu - 6, Badminton - 14, Basketball - 28, Football - 20, Sepaktakraw - 9, Taekwondo - 2, Volleyball - 14, Tennis - 3, Table Tennis - 7 an ni.

He tih mek lai hian Cricket chu North East Olympic Games a tel tura tih a nih laiin, BCCI lam atangin clearance an neih theih tak loh avangin North East State hrang hrang te chu chawpchilh takin an tel ve thei dawn ta lo a ni.

3rd North East Olympic Games, 2024 hi Chümoukedima, Dimapur leh Kohima zah neih ani dawn a. Mizoram atanga kal infiammite hi official, Coach leh manager 28 ten an ho dawn a ni.