ZALEN December 10, 2024 – Mizoram-a coffee machine leh choka bungraw pechhuaktu lian ziangami ELK Business House, Mizoram chuan Northeast India-a a hmasaber atan Coffee Experience Center hmasaber chu ELK Plaza, Lily Veng (State Guest House bul) -ah an hawng ta. He an hmalakna avanga hian Mizoram chu national coffee map-ah a lan phah a, hei hian coffee lama tuimite leh sumdawngmite tan kawng zau tak a hawn an beisei.

Coffee Experience Centers hi khawvel hmun hrang hrangah a lar chho mek a, anni hian United States leh Europe lamah pawh coffee culture nghet tak an neih hi an tuh chho mek. Heng center te hian anmahni tlawhtu te chu coffee siam an kalpui dan te leh an thiamthil te an hrilh thin. India-ah hi chuan khawpui lian bik Bengaluru leh Delhi angah te chiah a awm a, Mizoram-a hetiang hawn a ni ta hi Northeast leh ram chhung hmundan te hnai zawka kuahkhawmna tura mellung pawimawh tak ni tura ngaih a ni.

"Hnuchhawn nih reng bik hi kan duh tawh lo," tiin ELK Business House dintu Esther Laltanpuii Khiangte chuan chuan a sawi. "He center hi kan indaidanna thiattu tur a ni. Mizoram hian coffee kalpui dan phung nghet tak a nei a, he kaphung nghet tak hmang hian mipuite hi an thiamthil leh theihna hmangin an inphochhuak thei dawn a ni," a ti.

ELK Business House hian kum 8 chhung Mizoram-a coffee culture siam tum hian hma an la tawh a, cafes 30 chuang din tawhin, cafe neitute tan nghet takin an ding a. Kaapi Machines, Jyoti Brothers leh Coffee Board of India te nena an thawhhona avanga hian tualchhunga coffee chingtute tan theihtawp an chhuah a, Mizoram hmun sang taka coffee te chu an coffee siam, Norakkan Coffee Roaster hmangin hma an lakpui mek a ni.

"Machine chiah kan hralh lo. Kalphung nghet kan tuh a ni. Mizoram coffee te hi a danglam bik a - a thei chet a, a tuiin leh a danglam bik. He experience center hian mipuite hi kan coffee danglam bikna hi a hriattir thuai dawn a ni," a ti bawk.

ELK Business House te chuan Coffee Experience Center an hawn hian Northeast-ah kalphung thar a siam satliah mai a ni lo a, Mizoram chu India ram chhunga coffee culture siam kawngah dinhmun tha takah a hlangkai dawn a ni, an ti.