ZALEN November 7, 2024 : Vawiin khan Mizo Zirlai Pawl General Headquarters Executive Committee Meeting vawi 637-na chu MZP Conference Hall-ah neih a ni a. Meeting-ah hian, Tribal scholarship chungchang bakah pawl chhung thil pawimawh hrang hrang rel a ni.

Meeting hi President H. Lalthianghlima chuana kaihruai a, Tribal scholarship 2nd Installment tun thleng a la sem loh chungchang a ngaihtuah a. Mizoram sawrkar-in Scholarship tur October 16-a a dawn tawh, tun thlenga sem la ni lo chu pawi a ti. Zirlaite mamawhna hriaiin November 18, 2024 (Thawhtanni) ral hma ngei a sem a nih loh chuan na zawk a hmalak a rel a, thuneitu te’n zirlaite harsatna hriatthiampui a, a rang thei ang ber a sem vat turin MZP chuan thuneitute a ngen nawn a ni. 

Meeting chuan, MZP Assembly vawi 68-na ni 24 - 26 September, 2024 chhunga Champhai Tlangsam a rorel bawhzui dan tur a ngaihtuah a, a hlawhtlin theih nana zirchiang tur leh a tul anga bawhzui turin, mawhphurhna hrang hrang a siam a. Heng a hnuaia mite hi MZP rorelna sang hian hmlakna tur paruk an rel.