ZALEN, October 07, 2025: October 24, 2025 atanga tan tur, LBS Durian Furniture Comedian Search Season 17 chu Thawhlehni zan khan Chief Organiser H. Rotluanga’n a kick off.

Aizawla Hyve City Hall-a a khuhhawnna hun hmanah hian a dawhsan hming, Mapuia tia hriat lar, chief organiser chuan show an kick off hma hauh atangin inpe an awm nghal a, kum dang aiin tel tur pawh an tam dawn nia an rin thu a sawi.

Mapuia chuan a tel duh tan hming hi LPS Office, Zarkawt leh LPS 9 Office-ah pek theih a nih thu a sawi a. Show chu a tir atangin LPS 1 leh YouTube-ah FTH Official channel-ah man chawia en theih tura live-a tihchhuah a ni dawn tih a sawi bawk.

Comedian Search Season 17-ah hian pakhatnain Rs. 1,00,000 bakah scooter (125 cc) leh television a dawng ang a. Pahnihnain Rs. 50,000, refigerator leh pathumnain Rs. 30,000 leh washing machine a dawng ang a; a thiam pathum hian trophy an dawng theuh bawk ang.

Palina leh pangana pawhin Rs. 10,000 ve ve an dawng ang a, Top 10-a langte hnenah pawh lawmman hlan vek a ni bawk ang.

Season hmasa lamah pawh an lo tih thin tawh angin season danga lo tel tawhte chu selection round atangin intihsiakna hi an hmachhawn ang a, hun hmasaa first round lo thleng tawhte erawh chuan selection round-a an inlan a ngai tawh dawn lo a ni.

(Thlalak hi FTH Official IG page-a mi hman a ni)