Khawvela infiamna ngaihhlut ber chu football a ni a, field chhunga khel ve lem lo te pawhin computer leh lap top atangtein an khel. Football game ngaihhlut FIFA chu tlangzarha ni leh dawn hnai ta a, ngaihventu an tam hle. 

FIFA 22 hi October 1, 2021-ah tlangzarh a ni dawn a, kum dangah chuan September thla chawhnu lamah tlangzarh thin a ni a, hripui leng avangin nikum atang khan October-ah an sawn a ni. 

Kumin hian Paris Saint-Germain (PSG) player chhuanvawr Kylian Mbappé chu cover star a ni leh dawn tih EA Sports chuan an puang tawh a, FIFA 21-ah khan cover hi a lo chang tawh bawk. Ani bakah hian palyer langsar tak tak - Eden Hazard, Virgil van Dijk, Cristiano Ronaldo, Neymar, Kevin De Bruyne leh Paulo Dybala te chu game cover-ah hian an lang bawk a ni. 

FIFA 22-ah hian tun laia thawm nei lian tak Lionel Messi chu palyer rating sang ber (93) a ni a, Cristiano Ronaldo leh Robert Lewandowski te chu (92) an ni. Jan Oblak, Kevin De Bruyne leh Neymar te chu 91 vek an ni dawn a, Kylian Mbappe overall rating chu 90 a ni a, mahse  potential rating-ah erawh 95 a ni thung dawn a ni.