Nikum October thlaa Justin Gaethje a hneh hnuah beisei loh takin Khabib Nurmagomedov hian UFC-a insual a chawlhsan thu a puang a, a rawn leh leh duh mai ringin vawi tam an thlem tawh. 

Thlem chhuah tuma bei nasa ber UFC President Dana White chuan, Khabib chu octagon lamah 100% in a hmel hmuh a beiseiawm tawh loh thu sawiin, sawm chhuah a beiseiawm tawh loh thu a sawi. 

White-a’n sawm hlawhtlin mai a inrin thin a, a chhan pawh Khabib-a pa khan a fapa hi chak loh nei lova vawi 30 chak tling hram turin a duh hle a ni. Tunah hian 29 chak record a nei a, a pa thu zawma vawi khat chak leh hram tura a rawn let an beisei laiin hetiang thutlukna hi a siam ta zawk a ni.