ZALEN Oct. 7, 2024; NGO Coordination Committee chuan Mizoram chhunga Petrol leh Diesel hralhchhuah atanga chhiah a tihpun chu a punna a san lutuk avang leh Mizoram mipuite tan phurrit lian tak a nih avangin, Mizoram sawrkar-ah tihniam leh tura ngenna siam ni se an ti.

No. NGOCC/2024/10 of 7.10.2024

NGO COORDINATION COMMITTE

MIZORAM : AIZAWL

THUCHHUAK

Vawiin October ni 7, 2024 (Thawhtanni) Chawhnu dar 3:30-a Central YMA Committee Room-a NGO Co-Ordination Committee thukhawm chuan, Myanmar rama Zo hnahthlak unaute inkara harsatna awm chungchang, Manipur-a Zo hnahthlakte thawhhona chungchang leh Mizoram sawrkar-in tunhnaia Oil man a tih san chungchang a ngaihtuah a. A hnuai a mi ang hian thuchhuah a siam.

1. Myanmar-a Zo hnahthlak awm ten inunauna tha leh zual an neih theih nan pawl hrang hrang hruaitute kawm ni se. Inlungrualna tha tak an neih theih nan kawng zawnpui ni se.

2. Manipur-a Zo hnahthlak hnam hrang hrangte inphuarkhawmna tura pawl din Zo United kal zel dan tur chungchang ngaihtuahin hun remchang hmasa berah Zo United hruaitute kawm ni se.

3. Mizoram sawrkar thuchhuah Notification No. J.19001/2/2020-TAX dated 30th August, 2024-in a sawi anga, Mizoram chhunga Petrol leh Diesel hralhchhuah atanga chhiah a tihpun chu a punna a san lutuk avang leh Mizoram mipuite tan phurrit lian tak a nih avangin, Mizoram sawrkar-ah tihniam leh tura ngenna siam ni se, he kan hmalakna kalpui a nih chhung chuan eng pawl mahin mipuite nghawng thei zawnga hma la rih lo turin NGO Co-Ordination Committee chuan a ngen a ni.

Sd/-

Prof. MALSAWMLIANA

Secretary,

NGO Coordination Committee,

Aizawl, Mizoram