American actress Olivia Munn chuan nu ni tura a la inpeih loh thu a sawi chhuak a, chutih rual chuan thla reilote hnua nu ni mai tur dinhmunah a ding lawi si. Olivia Munn hian a kawppui American stand-up comedian John Mulaney lakah fa a pai a, an chanchin hian media te ngaihven a hlawh chho mek.
'The Predator' star Olivia Munn nau pai thu hi tun hnai khan a darh a, hetih lai hian Olivia ber hian a duh aia hmaah a leak-out thu leh, nu ni tura a rilru a lo la sen ngai loh thu a sawi. Kum 41 mi lai ni ve tawh Olivia Munn hian lawmpuitu thahnem tak a nei a, amah ngei pawh hian a phur thu a sawi chhuak ve leh tawh a ni. 
Hetiang a nih takah chuan John Mulaney pawhin a nupui then tak Anna Marie Tendler nen an inkar chinfel thuai a duh ngei a rinawm. John Mulaney leh Anna Marie Tendler te hi 2014 khan inneiin kuminah an inthen a, an inthenna hi dan ang taka chinfel a la ni lo niin an tarlang.