DOWNLOAD OUR APP

Read latest news on your phone
app-store

Omicron la hmu lo mah se, hri kai pung

Jan 09, 2022

Rinhlelh sample-te chu tunkar chho hian enfiah turin Kolkata lamah thawn tum a ni

Aizawl: Covid-19 hri thar Omicron vei Mizoramah hmuh a la ni lo a. Mizoramah Covid-19 hri kai an ziaawm deuh dawna a lan hnuah tun hnai atangin hri kai hi an pung thar leh.

ZALEN-in State Nodal Office Dr. Pachuau Lalmalsawma hnen atanga thu a dawn danin tun thlengin Mizoramah Covid-19 hri chhuak thar, Omicron vei an la hmu lo a. He hri vei nia rinhlelh sample-te chu tunkar chho hian enfiah turin Kolkata lamah thawn an tum tih a sawi.

Covid-19 hi nikum kumtawp lam atangin hmuhchhuah hi a tlahniam deuh a; mahse, kuminah hri kai hmuhchhuah hi a sang chak hle a. Ni 8 (January ni 1-8,2022) chhungin hri kai hmuhchhuah hi 3224 a tling chho hman a ni. 

Kumin bikah hian hri avang hian ni tin thi an awm ziah bawk a, mi 15 an awm tawh a ni. He chanchin buatsaih lai thleng hian Mizoramah hri vanga thi hi mi 558 an awm tawh a ni.

Kumin January ni 1-8 chhunga hri kai dan leh mitthi awm dan

Ni    Hri kai    Thi

1     265    2
2    84      1
3    152    2
4    347    4
5    443    1
6    502    1
7    579    1
8    852    3
    
Total    3224    15

Share now