Opening-a India flag keng tur Mary Kom leh Manpreet Singh

Tokyo 2020 Opening Ceremony neih hunah hmeichhe boxing a tum ruk zet world champion ni tawh boxer MC Mary Kom leh mipa hockey team captain Manpreet Singh te chuan India ram India flag kengin India aiawh a Olympic a tel turte hma an hruai dawn tih Indian Olympic Association chuan an puang.
India tana medal awrh haw tura beisei wrestler Bajrang Punia chu August ni 8 a closing ceremony neih huna flag keng tura ruat a ni thung. India ram tana Olympic medal awrh haw tawh MC Mary Kom chuan,"Sport Ministry leh International; Olympic Association ten opening ceremony neih huna kan ram flag kenga hmahruai tura min thlang chhuak hi zahawm ka tiin ka lawm takzet a ni. Hei hian min ti phur takzet a, medal awrh ngei turin theih tawp ka chhuah dawn a ni tih ka intiam nghal bawk e,” tiin a lawmthu a sawi.